 |
| Sad girl crying |
is dasht mein ik sheher tha wo kia hua awaragi
kal shab mujhe be-shakl si awaz ne chaunka diya
mein ne kaha tu kaun hai us ne kaha awaragi
ik tu k sadiyon se mere hamrah bhi hamraz bhi
ik main k tere nam se nashna awaragi
ye dard ki tanhaiyan ye dasht ka wiran safar
ham log to ukta gaye apni suna awaragi
ik ajnabi jhonke ne jab pucha mere ghum ka sabab
sahara k bhigi rait par main ne likha awaragi
le ab to dasht-e-shab ki sari wus'aten sone lagin
ab jagna hoga hamain kab tak bata awaragi
kal rat tanha chand ko dekha tha main ne khwab main
'Mohsin' mujhe ras ayegi shayad sada awaragi
MOHSIN NAQVI
0 comments:
Post a Comment